لندن: قومی ٹیم کے آل راؤنڈر محمد حفیظ لندن ایئرپورٹ پر پھنس گئے۔
تفصیلات کے مطابق قومی کرکٹر محمد حفیظ نے سماجی رابطے کی ویب سائٹ ٹویٹر پر اپنے پیغام میں کہا کہ لاہور سے لندن فلائٹ میں تاخیرپر ویسٹ انڈیز کے لیے پرواز مس ہوئی، لاہور سے نجی ایئرلائن کے ساتھ سفر کا تجربہ انتہائی برا رہا ہے۔
محمد حفیظ نے لکھا کہ ’لندن سے کنکٹنگ فلائٹ تاخیر کا شکار اور کینسل ہورہی ہیں۔
انہوں نے بتایا کہ ہیتھرو ایئرپورٹ پر کوئی ہوٹل کی سہولت میسر نہیں ہے، ایئرپورٹ پر 9 بجے کے بعد لاؤنج کی سہولیات بھی بند ہوجاتی ہیں۔
Facing worst experience of flight schedules & management from @VirginAtlantic 👎 👎. Cancellations & delayed flights from LHE resulting in missing connecting flights. No hotel arrangements for forced overnight stay here at @HeathrowAirport .No lounge facilities after 9pm👎@UK_CAA pic.twitter.com/CrYYqAY5HK
— Mohammad Hafeez (@MHafeez22) August 20, 2021
واضح رہے کہ محمد حفیظ گزشتہ روز لاہور سے براستہ لندن ویسٹ انڈیز کے لیے روانہ ہوئے تھے، وہ ویسٹ انڈیز میں کیریبین لیگ کھلیں گے۔
یاد رہے کہ گزشتہ دنوں یاسر شاہ اور کرکٹر آصف علی کا بھی کیریبین پریمیئر لیگ سے معاہدہ ہوا تھا۔
آصف علی کو جنوبی افریقہ کے کھلاڑی وین ڈر ڈوسان کی جگہ شامل کیا گیا ہے، آصف علی ان دنوں قومی اسکواڈ کا حصہ نہیں ہیں۔
قومی کرکٹر شعیب ملک، اعظم خان سمیت کئی پاکستانی کھلاڑی سی پی ایل میں ایکشن میں دکھائی دیں گے۔
