کراچی: قومی کرکٹ ٹیم کے بولنگ کوچ کے عہدے سے مستعفی ہونے والے وقار یونس کا کہنا ہے کہ پاکستان ٹیم مینجمنٹ کے ساتھ کام کرنا اعزاز ہے۔
تفصیلات کے مطابق قومی ٹیم کے سابق فاسٹ بولر وقار یونس نے سماجی رابطے کی ویب سائٹ ٹویٹر پر اپنے بیان میں کہا کہ ’ٹیم کو الوداع کہنا ہمیشہ مشکل ہوتا ہے، مگر تبدیلی کا یہی درست وقت ہے۔‘
وقار یونس نے لکھا کہ ’آج وہ دن ہونا چاہیے جب ہم پرانی باتوں کو بھول کر آگے کی طرف بڑھیں۔‘
انہوں نے پاکستان کرکٹ اور قومی ٹیم کے لیے نیک خواہشات کا اظہار بھی کیا۔
An honour serving Pakistan & working with team & management.Always hard 2 say goodbye but time 4 a change. Wishing Pakistan Cricket all the very best & great success always.’Let today be the day you learn the grace of letting go & the power of moving on’ @TheRealPCB @iramizraja
— Waqar Younis (@waqyounis99) September 6, 2021
واضح رہے کہ قومی ٹیم کے ہیڈ کوچ مصباح الحق اور بولنگ کوچ وقار یونس کوچنگ کے عہدوں سے دستبردار ہوگئے۔
سابق آف اسپنر ثقلین مشتاق اور آل راؤنڈر عبدالرزاق نیوزی لینڈ کیخلاف ہوم سیریز میں بحیثیت عبوری کوچز ذمہ داریاں نبھائیں گے۔
مصباح الحق اور وقار یونس کو ستمبر 2019 میں قومی کرکٹ ٹیم کا بالترتیب ہیڈ کوچ اور بولنگ کوچ مقرر کیا گیا تھا۔
