تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

کراچی ایئرپورٹ‌ پر تعینات ایف آئی اے امیگریشن اہلکاروں کے خلاف کارروائی

کراچی: شہر قائد کے جناح انٹرنیشنل ایئرپورٹ پر تعینات ایف آئی اے امیگریشن عملے کے چار اہلکاروں کو ہٹا دیا گیا۔

اے آر وائی نیوز کے مطابق ایڈیشنل ڈائریکٹر امیگریشن ڈاکٹر زین شیخ کی ہدایت پر ان آرائیول کاؤنٹر پر تعینات چار اہلکاروں کے خلاف ایکشن لیا گیا۔

ایڈیشنل ڈائریکٹر امیگریشن کی طرف سے جاری نوٹی فکیشن کے مطابق سب انسپکٹر نعمان آرائیں، ہیڈکونسٹیبل فرخ شمیم، احسان کھوسو اور عقیل دستگیر  کراچی ایئرپورٹ پر تعینات تھے، جنہیں فوری طور پر ہٹا دیا گیا ہے۔

نوٹی فکیشن میں کہا گیا ہے کہ امیگریشن کے چاروں اہلکاروں کی ایئرپورٹ پر خدمات درکار نہیں، لہذا اب یہ ایف آئی اے زونل ہیڈکوارٹر میں رپورٹ کریں گے۔

ایڈیشنل ڈائریکٹر نے چاروں اہلکاروں کو کسی سرکل میں تعینات نہ کرنے کی بھی سفارش کی اور لکھا کہ انہیں ملک بھر میں کہیں بھی امیگریشن شعبے میں نہ بھیجا جائے۔

یاد رہے کہ دو ہفتے قبل بھی ایڈیشنل ڈائریکٹر امیگریشن ڈاکٹر زین شیخ نے کارروائی کرتے ہوئے شفٹ انچارج سمیت عملے کو ہٹادیا تھا۔

Comments

- Advertisement -
محمد صلاح الدین
محمد صلاح الدین
محمد صلاح الدین اے آروائی نیوز سے وابستہ سینئر صحافی ہیں اور ایوی ایشن سے متعلقہ امور کی رپورٹنگ میں مہارت رکھتے ہیں