کراچی: پاکستان میں ایک بار پھر سونے کی قیمتیں بڑھ گئیں، جس کی وجہ سے شہریوں کو مزید پریشانی کا سامنا کرنا پڑھ رہا ہے۔
اے آر وائی نیوز کے مطابق بلین مارکیٹ میں کاروباری ہفتے کے چوتھے یعنی جمعرات کے روز ٹریڈنگ کے دوران سونے کی قیمت میں ایک ڈالر کا اضافہ ہوا۔
حالیہ اضافے کے بعد سونے کی فی اونس قیمت 1799 ڈالرز تک پہنچی اور اسی پر ٹریڈنگ بھی جاری رہی۔
انٹرنیشنل مارکیٹ میں ہونے والے معمولی اضافے کے باوجود پاکستان میں سونے کی قیمتوں میں ہوشربا اضافہ ہوا۔
آل پاکستان جیولرز مینوفیکچررز ایسو ایشن کے چیئرمین محمد ارشد کے مطابق پاکستان میں بتاریخ 9 ستمبر 2021 بروز جمعرات کو قیمتوں میں مجموعی طور پر 2 ہزار 136 روپے کا اضافہ ہوا۔
آج بتاریخ 9 ستمبر 2021 کے ریٹ
فی تولہ قیمت: -/ 112,550روپے
دس گرام قیمت: -/ 96,493 روپے
پاکستان بھر میں سونے کی فی تولہ قیمت 1150 روپے اضافے کے بعد 1 لاکھ 12 ہزار 550 جبکہ دس گرام کی قیمت 986 روپے اضافے کے بعد 96 ہزار 493 روپے تک پہنچ گئی۔
کراچی، حیدرآباد، سکھر، ملتان، لاہور، فیصل آباد، اسلام آباد، راولپنڈی، پشاور اور کوئٹہ کی صرافہ مارکیٹوں میں لین دین نئے ریٹ کے ساتھ ہوئی۔