کولمبو: قومی کرکٹ ٹیم کے سابق کوچ مکی آرتھر نے بھی نیوزی کرکٹ ٹیم کے دورہ پاکستان کی منسوخی کے فیصلے پر افسوس کا اظہار کیا ہے۔
قومی ٹیم کے سابق کوچ مکی آرتھر نے سماجی رابطے کی ویب سائٹ ٹویٹر پر اپنے پیغام میں لکھا کہ ’نیوزی لینڈ کے دورہ پاکستان کی منسوخی پر دکھ ہے۔‘
انہوں نے لکھا کہ ’پاکستان کرکٹ سے محبت کرنے والوں کا ملک ہے جنہوں نے میرا تین سالہ قیام کافی یادگار بنایا۔‘
So sad to hear of the cancellation of the tour of Pakistan…..Pakistan is a county full of wonderful cricket loving people who made my 3 years there incredible!
— Mickey Arthur (@Mickeyarthurcr1) September 18, 2021
واضح رہے کہ نیوزی لینڈ کرکٹ ٹیم نے سکیورٹی خدشات کو جواز بناکر پاکستان کا دورہ اچانک ختم کرنے کا اعلان کردیا جس کے بعد دونوں ٹیموں کے درمیان سیریز ملتوی کردی گئی تھی۔
خیال رہے کہ 18سال بعد نیوزی لینڈ کی ٹیم پاکستان میں سیریز کھیلنے کے لیے آئی تھی اور ٹیم کی آمد سے قبل نیوزی لینڈ کی سکیورٹی ٹیم نے بھی انتظامات پر اطمینان کا اظہار کیا تھا۔
پاکستان اور نیوزی لینڈ کے درمیان تین ون ڈے میچز راولپنڈی اور 5 ٹی ٹوئنٹی میچز لاہور میں کھیلے جانے تھے، یاد رہے کہ پاکستان آنے سے قبل نیوزی لینڈ کی ٹیم نے بنگلا دیش میں سیریز کھیلی ہے۔
