لاہور میں گھر میں گھس کر شادی شدہ خاتون کو قتل کردیا گیا۔
اے آر وائی نیوز کے مطابق لاہور کے علاقے شاہدرہ میں 22 سال کی سمیرا کو نامعلوم افراد نے مبینہ طور پر زیادتی کا نشانہ بنانے کے بعد قتل کردیا۔
ذرائع کے مطابق خاتون کے جسم پر بری طرح نوچا گیا، دو ملزمان نے سمیرا پر تشدد کیا پھر پھندا لگا کر جان لے لی۔
پولیس کا کہنا ہے کہ لاش واش روم سے ملی خاتون گھر میں اکیلی تھی، ملزمان نے خاتون کو زیادتی کا نشانہ بنا کر قتل کیا۔
مقتولہ کے اہلخانہ کے مطابق سمیرا کی بہن باہر سے آئی اور واش روم میں گئی تو دیکھا کہ سمیرا کی لاش پڑی تھی اور اس کے جسم پر تشدد کے نشانات واضح موجود تھے۔
عینی شاہد مقتولہ کی بہن نے بتایا کہ خاتون کو زیادتی کا نشانہ بنانے کے بعد قتل کیا گیا ہے، اس کے گلے پر پھندا کا نشان بھی موجود تھا۔
ذرائع کا کہنا ہے کہ پولیس کی ٹیموں نے جائے وقوعہ سے شواہد اکٹھے کرکے لاش کو ضابطے کی کارروائی کے لیے اسپتال منتقل کردیا۔
پولیس کا کہنا ہے کہ واقعے کی تفتیش جاری ہے، ملزمان کو جلد گرفتار کرلیا جائے گا۔
