کراچی : گلشن معمار میں رینجرز نے کارروائی کے دوران ٹارگٹ کلرز کو گرفتار کرلیا۔
تفصیلات کے مطابق رینجرز اور پولیس نے سرچ آپریشن کے دوران تئیس مشتبہ افراد کو حراست میں لے لیا۔
کراچی کے علاقے گلش معمار نے رینجرز نے خفیہ اطلاع پر کارروائی کی۔ کارروائی کے دوران ٹارگٹ کلر معیز سلیم کو گرفتار کیا۔
ترجمان رینجرز کے مطابق ٹارگٹ کلر معیز سلیم کا تعلق سیاسی جماعت سے ہے۔ ملزم دو رینجرزاہلکاروں سمیت ستاون افرادکی ٹارگٹ کلنگ میں ملوث ہے۔
ملزم رینجرزاورپولیس موبائل پرحملوں میں بھی ملوث ہے۔ رینجرز اور پولیس نے رات گئے گولیمار، رضویہ سوسائٹی ، منگھوپیر، پیر محمد گوٹھ اور سلطان آباد میں سرچ آپریشن کے دوران تئیس مشتبہ افراد کو حراست میں لے لیا۔
آپریشن کے دوران چشتی نگر اورنگی ٹاؤن سے 2 ، نصرت بھٹو کالونی سے 9 ،محمد گوٹھ اور سلطان آباد سے 23 مشتبہ افراد کو حراست میں لے لیا گیا۔
پکڑے جانے والے افراد کو پوچھ گچھ کیلئے نامعلوم مقام پر منتقل کر دیا گیا ہے۔ ادھر لیاقت میں بھی رینجرز نے چھاپہ مار کر پانچ افراد کو حراست میں لے لیا۔
پکڑے جانے والے افراد کا تعلق سیاسی جماعت سے ہے ، شاہ فیصل کالونی میں بھی کارروائی کے دوران دو افراد کو حراست میں لے لیا گیا۔
