The news is by your side.

Advertisement

احمد گوڈیل کے ہاں ننھی پری کی آمد

پاکستان سپر لیگ (پی ایس ایل) سیزن فائیو کی افتتاحی تقریب کی میزبانی کرنے والے اداکار، میزبان اور وی جے احمد گوڈیل کے ہاں بیٹی کی پیدائش ہوئی ہے۔

وی جے احمد گوڈیل نے فوٹو اور ویڈیو شیئرنگ ایپ انسٹاگرام پر ننھی پری کے ساتھ کچھ تصاویر شیئر کیں جنہیں مداحوں کی جانب سے خوب سراہا جارہا ہے۔

احمد گوڈیل کی جانب سے شیئر کی جانے والی تصاویر میں دیکھا جاسکتا ہے کہ احمد نومولود کو گوڈ میں اٹھائے ہوئے ہیں لیکن تصاویر بھی ننھی پری کا چہرہ نمایاں نہیں ہے۔

انہوں نے پوسٹ کے کیپشن میں لکھا کہ ’ان کے ہاں بیٹی کی پیدائش ہوئی ہے جس کا نام ’ایمان احمد گوڈیل‘ رکھا ہے۔

اداکار و میزبان نے خوشی کے اس موقع پر اللّہ تعالیٰ کا شُکر ادا کرتے ہوئے لکھا کہ ’الحمداللّہ! اللّہ تعالیٰ نے مجھے اپنی رحمت سے نوازا ہے۔‘

اُنہوں نے مداحوں سے اپیل کرتے ہوئے کہا کہ ’اُن کی اس خوشی پر ماشاءاللّہ ضرور کہیں۔‘

خیال رہے کہ احمد گوڈیل نے گزشتہ سال سادگی سے شادی کی تھی، اُنہوں نے اپنی شادی کی خبر مداحوں کے ساتھ شیئر کرتے ہوئے انسٹاگرام پر لکھا تھا کہ ’2020 میں کہ جب ہر بُری چیز وقوع پذیر ہورہی ہے تو ایسے میں مَیں ایک خوشخبری آپ سب کے ساتھ شیئر کرنے لگا ہوں اور وہ یہ ہے کہ میں نے شادی کر لی ہے۔‘

احمد گوڈیل نے بتایا تھا کہ اسرا سے انہوں نے شادی کرلی ہے۔ تمام مداح، چاہنے والے اور اس پوسٹ کو پڑھنے والے ان کی آنے والی زندگی کیلئے دعا کریں۔

Comments

یہ بھی پڑھیں