The news is by your side.

Advertisement

ورلڈ کپ سے قبل انگلش ٹیم کو دھچکا

لندن: ٹی 20 ورلڈ کپ سے قبل انگلینڈ کرکٹ ٹیم کو دھچکا لگ گیا۔

تفصیلات کے مطابق انگلینڈ کرکٹ ٹیم کے آل راؤنڈر سیم کیورن ٹی 20 ورلڈ کپ سے باہر ہوگئے، سیم کیورن کمر کی انجری کا شکار ہوئے۔

انجرڈ سیم کیورن کی جگہ ٹام کیورن کو انگلش اسکواڈ میں شامل کرلیا گیا جبکہ ریس ٹوپلی کو اضافی کھلاڑیوں میں شامل کیا گیا ہے۔

واضح رہے کہ گزشتہ ماہ انگلش کرکٹ بورڈ (ای سی بی) نے ٹی 20 ورلڈکپ کے لیے ابتدائی 15 رکنی سکواڈ کا اعلان کیا تھا۔

این مورگن ٹیم کی قیادت کریں گے، اسکواڈ میں معین علی، جونی بئیرسٹو، سیم بلنگز،جوس بٹلر، ڈیوڈ ملان ، سیم کیورن،کرس جارڈن،لیام لیونگسٹن، جیسن رائے،ڈیوڈ ولی شامل ہیں۔

ان کے علاوہ پاکستانی نژاد لیگ اسپنر عادل رشید، ٹامل ملز، کرس ووکس اور مارک ووڈ بھی انگلش سکواڈ کا حصہ بنائے گئے ہیں۔

ای سی بی کے مطابق ٹام کرن، لیام ڈاوسن اور جیمز ونس ریزرو کھلاڑیوں کی فہرست میں شامل ہیں، انگلش کرکٹ بورڈ کا کہنا تھا کہ حتمی انگلش سکواڈ کا اعلان 10 اکتوبر کو کیا جائے گا۔

واضح رہے کہ ٹی 20 ورلڈ کپ 17 اکتوبر سے متحدہ عرب امارات میں کھیلا جائے گا۔

Comments

یہ بھی پڑھیں