لاہور: سینٹرل پنجاب نے حسین طلعت کی ناقابل شکست اننگز کی بدولت سندھ کو 8 وکٹوں سے شکست دے دی۔
تفصیلات کے مطابق نیشنل ٹی 20 کپ کے 19ویں میچ میں سندھ نے پہلے بیٹنگ کرتے ہوئے مقررہ اوورز میں 7 وکٹوں کے نقصان پر 128 رنز بنائے اور سینٹرل پنجاب کو جیت کے لیے 129 رنز کا ہدف دیا، سینٹرل پنجاب نے مطلوبہ ہدف 15.4 اوورز میں 2 وکٹوں کے نقصان پر حاصل کرلیا۔
سینٹرل پنجاب کے حسین طلعت نے 52 گیندوں پر 68 رنز کی ناقابل شکست اننگز کھیلی، شعیب ملک 40 رنز کے ساتھ ناٹ آؤٹ رہے۔
— Pakistan Cricket (@TheRealPCB) October 6, 2021
کامران اکمل ایک رن بنا کر پویلین لوٹ گئے جبکہ اوپنر احمد شہزاد کو 20 رنز پر انور علی نے رن آؤٹ کیا۔ سندھ کی جانب سے میر حمزہ ایک وکٹ حاصل کرسکے۔
اس سے قبل سندھ نے مقررہ اوورز میں 7 وکٹوں کے نقصان پر 128 رنز بنائے تھے، کپتان سرفراز احمد نے 54 رنز کی اننگز بھی سندھ کو شکست سے نہ بچاسکی۔
DROPPED!@mirhamza_k drops @realshoaibmalik – will this prove costly?#CPvSINDH Live: https://t.co/GTycBBLgGh#KhelTouHoRahaHai | #NationalT20Cup pic.twitter.com/V1o1hE1qUJ
— Pakistan Cricket (@TheRealPCB) October 6, 2021
سندھ کی ابتدائی دو وکٹیں 9 رنز پر گریں، خرم منظور 2 اور شرجیل خان بغیر کوئی رن بنائے پویلین لوٹ گئے، احسن علی 23 رنز کے ساتھ نمایاں رہے۔
سعود شکیل 5 رنز بناسکے، دانش عزیز 20 اور انور علی بھی 20 رنز بنا کر رن آؤٹ ہوئے، زاہد محمود کو ایک رن پر حسن علی نے بولڈ کیا۔
سینٹرل پنجاب کی جانب سے فہیم اشرف اور حسن علی نے دو، دو وکٹیں حاصل کیں، عثمان قادر اور وہاب ریاض ایک، ایک وکٹ حاصل کرسکے۔