لاہور: پنجاب کے دارالحکومت میں ایک بار پھر برائلر مرغی کے گوشت کی قیمتیں آسمان پر پہنچ گئیں۔
اے آر وائی نیوز کے مطابق لاہور میں مرغی کے گوشت کی قیمتیں آسمان کو چھونے لگیں، برائلر مرغی کے گوشت بڑھتی ہوئی قیمت کی وجہ سے غریب پریشان ہے کیونکہ اب یہ اُس کی پہنچ سے باہر ہوگیا ہے۔
شہریوں نے حکومت سے مرغی کے گوشت کی قیمت کم کرنے کی اپیل کی اور مصنوعی طریقے سے قیمتیں بڑھانے والوں کے خلاف کارروائی کا مطالبہ بھی کیا۔
- Advertisement -
لاہور میں برائیلر مرغی کے گوشت کی فی کلو قیمت 360 روپے تک پہنچ گئی، جو دو روز پہلے تک یہ 290 روپے فی کلو فروخت ہورہا تھا۔
دکانداروں کا کہنا ہے کہ مرغی کے نرخ ضلعی حکومت بڑھاتی ہے، عوام دکانداروں کو کوستے اور مایوس ہو کر کچھ لیے بغیر چلے جاتے ہیں۔
ذرائع کے مطابق شادیوں کے سیزن کے باعث بھی گوشت کے نرخوں میں اضافہ ہوا ہے۔
