لاہور: بلوچستان نے امام الحق کی ناقابل شکست نصف سنچری کی بدولت خیبرپختونخوا کو 6 وکٹوں سے شکست دے دی۔
تفصیلات کے مطابق نیشنل ٹی 20 کپ کے 22ویں میچ میں بلوچستان نے کے پی کی جانب سے دیا جانے والا 156 رنز کا ہدف 19.4 اوورز میں 4 وکٹوں کے نقصان پر حاصل کرلیا۔
کپتان امام الحق نے 46 گیندوں پر 64 رنز کی ناقابل شکست اننگز کھیلی، اوپنر عبداللہ شفیق 28 رنز کے ساتھ نمایاں رہے، عمید آصف 20 رنز بنا کر آؤٹ ہوئے۔
FIFTY!! 19th T20 half-century for @ImamUlHaq12! 🙌#BALvKP Live: https://t.co/txEYwifLA0 #KhelTouHoRahaHai | #NationalT20Cup pic.twitter.com/AykDGunByj
— Pakistan Cricket (@TheRealPCB) October 7, 2021
حارث سہیل 14 رنز بنا کر افتخار احمد کو وکٹ دے بیٹھے، عماد بٹ 12 رنز کے ساتھ ناٹ آؤٹ رہے۔
کے پی کی جانب سے عمران خان نے دو کھلاڑیوں کو پویلین کی راہ دکھائی، عامر عظمت اور افتخار احمد ایک، ایک وکٹ حاصل کرسکے۔
One TIMELY hit!!@AmadButt12 with a vital 6 for @1st_xi
Balochistan nearing their third win.#BALvKP Live: https://t.co/txEYwifLA0 #KhelTouHoRahaHai | #NationalT20Cup pic.twitter.com/c5diUeM5Wb— Pakistan Cricket (@TheRealPCB) October 7, 2021
اس سے قبل خیبرپختونخوا نے مقررہ اوورز میں 6 وکٹوں کے نقصان پر 155 رنز بنائے تھے، صاحبزادہ فرحان کی 78 رنز کی اننگز بھی کے پی کو شکست سے نہ بچاسکی۔
اوپنر اسرار اللہ 19 رنز بنا کر رن آؤٹ ہوئے، کپتان محمد رضوان 17 رنز بناسکے، افتخار احمد 6 رنز پر عماد بٹ کو وکٹ دے بیٹھے۔
Haris Sohail goes for 14!
Iftikhar with another crucial wicket for KP – Balochistan under pressure.#BALvKP Live: https://t.co/txEYwifLA0 #KhelTouHoRahaHai | #NationalT20Cup pic.twitter.com/IWsvg6MTdT— Pakistan Cricket (@TheRealPCB) October 7, 2021
فخر زمان 12 رنز بنا کر جنید خان کا نشانہ بنے، محمد وسیم 12 رنز کے ساتھ ناٹ آؤٹ رہے۔
بلوچستان کی جانب سے جنید خان نے تین وکٹیں حاصل کیں، نجیب اللہ اور عماد بٹ نے ایک، ایک وکٹ حاصل کی۔
