کراچی: قومی ٹیم کے سابق فاسٹ بولر سرفراز نواز کو چلنے میں دشواری کا سامنا ہے، ان کی واکر سے چلنے کی ویڈیو سامنے آگئی۔
تفصیلات کے مطابق لندن میں مقیم قومی ٹیم کے سابق فاسٹ بولر سرفراز نواز کی واکر سے چلنے کی ویڈیو منظرعام پر آگئی، سابق فاسٹ بولر کو چلنے میں دشواری کا سامنا ہے۔
سرفراز نواز کا کہنا ہے کہ کورونا کے دوران ایک سال گھر میں رہا، مسلسل گھر میں رہنے کی وجہ سے ٹانگوں کی نسیں جام ہوگئیں۔
انہوں نے کہا کہ مالی مسائل کے باعث علاج میں دشواری کا سامنا ہے، کرکٹ بورڈ نے بھی تین سال سے پینشن نہیں دی ہے۔
It is sad to see the condition of Sarfraz Nawaz, the perfect fast bowler of his time, who is in the UK. May Allah give them health … Amen #OverMyDeadBody pic.twitter.com/0vyujhPSHI
— Asif Ali (@AsifAli_Haider) October 12, 2021
واضح رہے کہ سرفراز نواز اہل خانہ کے ہمراہ کئی برس سے لندن کے علاقے ٹوٹنگ میں مقیم ہیں۔
سابق فاسٹ بولر سرفراز احمد نے 55 ٹیسٹ میچوں میں 32 اعشاریہ 75 کی اوسط سے 177 وکٹیں حاصل کیں، ٹیسٹ میں اُن کی بہترین بولنگ 125 رنز کے عوض 11وکٹیں رہی۔
انہوں نے 45 ون ڈے انٹرنیشنل میں بھی پاکستان کی نمائندگی کی اور 63 وکٹیں حاصل کیں، بہترین بولنگ 27 رنز دے کر 4 وکٹیں رہی تھی۔
