The news is by your side.

Advertisement

ایف آئی اے نے 63 ملین ڈالر خریدنے والوں کا سراغ لگا لیا

لاہور: فیڈرل انویسٹی گیشن ایجنسی (ایف آئی اے) نے اسٹرکچر طریقے سے 63 ملین ڈالر خریدنے والوں کا سراغ لگالیا۔

اے آر وائی نیوز کے مطابق ذرائع کا کہنا ہے کہ ایف آئی اے نے اسٹرکچر طریقے سے 63 ملین ڈالر خریدنے والوں کا سراغ لگالیا، ڈالر ترسیل کو دانستہ 35 ہزار روپے کم رکھا جاتا ہے تاکہ اسٹیٹ بینک کو پتا نہ چلے۔

ذرائع کا کہنا ہے کہ 35 ہزار ڈالر سے کم مقدار ظاہر کرکے ہزاروں ٹرانزکشنز کی گئیں۔

ذرائع کے مطابق چند منی ایکسچینج کمپنیاں براہ راست دھوکا دہی، منظم منی لانڈرنگ میں ملوث ہیں، صرف 100 افراد کو اسٹرکچر طریقے سے 63 ملین ڈالر فروخت کیے گئے۔

ذرائع کا بتانا ہے کہ صرف 500 افراد کو اسٹرکچر طریقے سے 100 ملین ڈالر سے زائد فروخت ہوئے، ڈالر فارن کرنسی اکاؤنٹس میں براہ راست منتقلی شرط سے چھٹکارا حاصل کیا گیا۔

ذرائع کا یہ بھی کہنا ہے کہ منظم طریقہ کار ڈالر کی ہورڈنگ، منی لانڈرنگ کو خفیہ رکھنے کے لیے استعمال کیا گیا، ایف آئی اے نے اسٹرکچر ڈالر خریدوفروخت والی کمپنیز مالکان، خریداروں کو طلب کرلیا۔

Comments

یہ بھی پڑھیں