The news is by your side.

Advertisement

پی سی بی کے ایک اور عہدیدار مستعفی

لاہور: گرانٹ بریڈ برن نے ہیڈ آف ہائی پرفارمنس کوچنگ کا عہدہ چھوڑ دیا۔

اے آر وائی نیوز کے مطابق پاکستان کرکٹ بورڈ (پی سی بی) کی جانب سے جاری بیان میں بتایا گیا ہے کہ گرانٹ بریڈ برن نے ہیڈ آف ہائی پرفارمنس کی کوچنگ کا عہدہ چھوڑ دیا ہے۔

گرانٹ بریڈ برن نے پاکستان میں اپنے تین سالہ دور میں ستمبر 2018 سے جون 2020 تک قومی کرکٹ ٹیم کے فیلڈنگ کوچ کی حیثیت سے ذمہ داریاں انجام دیں۔

بریڈ برن کا کہنا ہے کہ پاکستان میں کام کے دوران مختلف چیلنجز سے نمٹنے پر انہیں فخر ہے لیکن اب وہ اپنی فیملی کو وقت دینا چاہتے ہیں اس لیے مزید کام جاری نہیں رکھ سکتے۔

انہوں نے کہا کہ میری اہلیہ اور تینوں بچوں نے بھی بہت قربانیاں دیں، کورونا کے دوران ان کے لیے پاکستان کا سفر کرنا مشکل ہوگیا تھا۔

ان کا کہنا تھا کہ اب اپنی فیملی کو ترجیح دینے اور کوچنگ کے نئے مواقع تلاش کرنے کا وقت ہے۔

انہوں نے مزید کہا کہ پی سی بی کے موجودہ اور سابقہ ملازمین، کھلاڑیوں اور آفیشلز نے بہت تعاون کیا، پاکستان میں ہمیشہ خود کو محفوظ تصور کیا۔

Comments

یہ بھی پڑھیں