The news is by your side.

Advertisement

ہائی وولٹیج تاروں میں‌ پھنسے کبوتر کو کیسے بچایا گیا؟ دلچسپ ویڈیو وائرل

لیما: جنوبی امریکی ملک پیرو میں پولیس اہلکاروں نے حاضر دماغی کا مظاہرہ کرتے ہوئے ہائی ٹینشن تاروں میں پھنسے کبوتر کو 12 گھنٹے کی انتھک محنت کے بعد باحفاظت ریسکیو کرلیا۔

خبررساں ادارے کی رپورٹ کے مطابق پیرو کے دارالحکومت میں ہائی وولٹیج بجلی کے تاروں میں ایک کبوتر پھنس گیا تھا، جو دھاگے سے لپٹ کر تقریباً 12 گھنٹے تک الٹا لٹکا رہا۔

علاقہ مکینوں نے پولیس کو کبوتر کے پھنسنے کے حوالے سے آگاہ کیا تو اہلکار جائے وقوعہ پہنچے، جنہوں نے سوچ بچار کے بعد کبوتر کو ڈرون کی مدد سے ریسکیو کرنے کا فیصلہ کیا۔

روئٹرز کی جانب سے شیئر کی جانب سے والی ویڈیو میں دیکھا جاسکتا ہے کہ پولیس اہلکاروں نے ڈرون میں چاقو لگایا اور پھر اسے اڑاتے ہوئے دھاگے کی طرف لے گئے تاکہ اُسے کاٹ سکیں۔

ڈرون آپریٹر نے انتہائی مہارت کے ساتھ چاقو کی مدد سے دھاگے کو کاٹا جس کے بعد کبوتر نیچے آکر گرا اور پھر اہلکاروں نے اس کے پنجوں سے لپٹے دھاگے کو کاٹا اور پھر اُسے آزاد کردیا۔

Comments

یہ بھی پڑھیں