The news is by your side.

Advertisement

سعودی عرب: سڑک پر گھومنے والے شیر کو کیسے قابو کیا گیا؟

ریاض: سعودی عرب کے شہر الخبر کی سڑکوں پر شیر کے مٹر گشت کی ویڈیو سوشل میڈیا پر وائرل ہوگئی۔

عرب میڈیا کے مطابق سعودی عرب کے شہر الخبر میں شیر سڑکوں پر آزادانہ گھومتا رہا جس کی ویڈیو شہریوں نے سوشل میڈیا پر شیئر کردی۔

شیر کے مٹر گشت کی ویڈیو وائرل ہونے کے بعد ادارہ تحفظ ماحولیات و جنگلی حیات حکام نے شیر کو بے ہوشی کا انجکشن لگانے کے بعد اسے شیلٹر ہوم منتقل کردیا۔

حکام نے سماجی رابطے کی ویب سائٹ ٹویٹر پر لکھا کہ شیر دمام سے متصل قریبی علاقے میں دیکھا گیا تھا جس کو بغیر کسی نقصان کے محفوظ مقام پر منتقل کردیا گیا ہے۔

واضح رہے کہ دو ماہ قبل ریاض میں تحفظ ماحولیات و جنگلی حیات فورس نے سڑک کنارے بندھے شیر کو قابو کرلیا تھا۔

ادارہ تحفظ ماحولیات و جنگلی حیات کے ترجمان میجر رائد المالکی کا کہنا تھا کہ ریاض کے ایک علاقے میں کسی نے شیر کو ٹریفک کھمبے سے باندھ رکھا تھا۔

انہوں نے بتایا تھا کہ اطلاع ملتے ہی خصوصی ٹیم نے رہائشیوں کے لیے خطرہ پیدا کرنے والے شیر کو قابو کرلیا۔

ترجمان ادارہ تحفظ ماحولیات و جنگلی حیات کا کہنا تھا کہ قوانین کے مطابق نایاب نسل کے جانوروں کے علاوہ خونخوار جانور پالنا یا ان کی خریدو فروخت کرنا جرم ہے، اس پر دس سال تک قید اور تیس ملین ریال جرمانہ ہوسکتا ہے۔

Comments

یہ بھی پڑھیں