The news is by your side.

Advertisement

بھیانک چہرے والا عادی مجرم گرفتار

چہرے کا حلیہ بگاڑنے والے دنیا کے خوفناک ترین ملزم کو پولیس نے گرفتار کرلیا۔

بین الاقوامی میڈیا رپورٹ کے مطابق اپنے چہرے کو گدوا کر مختلف ڈیزائن بنوانے والے دنیا کے خوفناک ترین چھالیس سالہ ملزم کو پولیس نے ایک روز قبل گرفتار کیا۔

ملزم نے اپنے چہرے پر مختلف انداز کے ڈیزائن نقش کرواکے اُن میں سیاہ دوات بھر دی تھی، جس کی وجہ سے اُس کا چہرہ انتہائی خوفناک نظر آتا تھا۔

میسوری سے تعلق رکھنے والے مائیکل کیمپ بیل کو دوسری بار گرفتار کیا گیا ہے، جس پر 88 مختلف مقدمات میں ملوث ہونے کا الزام ہے۔

پولیس کے مطابق ملزم ہر واردات کے بعد اپنا حلیہ تبدیل کرلیتا تھا، اس بار اُس نے واردات کے بعد سر کے بال منڈوا دیے تھے۔

پولیس نے بتایا کہ ملزم کو اس بار زیادتی کیس میں گرفتار کیا گیا ہے، اگر اس پر جرم ثابت ہوجاتا ہے تو اُسے عمر قید کی سزا ہوسکتی ہے۔

پولیس کے مطابق سنہ 2020 میں عدالت نے مائیکل کو عوامی مقامات پر توڑ پھوڑ اور امن و امان کی صورت حال خراب کرنے کے الزام میں گرفتار کیا تھا، جس پر عدالت نے اُسے 6 ماہ قید کی سزا سنائی تھی۔

پولیس نے بتایا کہ ملزم ہر واردات کے بعد اپنا حلیہ تبدیل کرتا تھا، اُس نے خود کو گرفتاری سے بچانے کے لیے جرم کے بعد چہرے پر مختلف ڈیزائن نقش کروائے، ایک سال میں اتنے زیادہ کاروائیاں کیں کہ اب چہرے کا حلیہ بھی بگڑ گیا۔

Comments

یہ بھی پڑھیں