The news is by your side.

Advertisement

کورونا ریڈ لسٹ، برطانیہ سے اہم خبر آگئی

برطانیہ نے کورونا ریڈ لسٹ میں شامل مزید سات ممالک کو بھی فہرست سے نکالنے کا اعلان کردیا۔

برطانوی میڈیا کے مطابق برطانیہ نے کورونا ریڈ لسٹ میں شامل مزید سات ممالک کو بھی فہرست سے نکالنے کا اعلان کردیا، یکم نومبر کو کولمبیا، ڈومینیکن ریپبلک، ایکواڈور، ہیٹی، پاناما، پیرو اور وینزویلا کو ریڈ لسٹ سے نکال دیا جائے گا۔

یکم نومبر کے بعد برطانیہ کی سفری پابندیوں کی فہرست میں کوئی ملک بھی باقی نہیں رہے گا۔

تاہم برطانوی وزیر ٹرانسپورٹ کا کہنا ہے کہ ریڈ لسٹ کو ختم نہیں کیا جارہا بلکہ اس پر تین ہفتے بعد نظر ثانی کی جائے گی۔

واضح رہے کہ گزشتہ ستمبر میں برطانوی حکومت نے کورونا کی صورت حال کو مدنظر رکھتے ہوئے ٹریفک لائٹ سسٹم کو اپ ڈیٹ کیا تھا۔ برطانیہ کے سیکریٹری ٹرانسپورٹ نے بتایا کہ پاکستان سمیت دیگر 8 ممالک کو ریڈ لسٹ سے نکال دیا گیا تھا، فیصلے کا اطلاق بائیس ستمبر سے ہوا تھا۔

برطانوی حکومت نے ٹریفک لائٹ سسٹم کو ریڈ، امبر اور گرین لسٹ کی جگہ ریڈ اور رولسٹ سے تبدیل کرنے کا اعلان کیا، جس کے مطابق پاکستان کا نام رو لسٹ میں تھا۔

رولسٹ میں شامل ممالک سے برطانیہ جانے والوں کو ہوٹل میں دس روزہ قرنطینہ کی ضرورت نہیں ہوتی تھی۔

اسلام آباد میں تعینات برطانوی ہائی کمشنر نے پاکستان کا نام ریڈ لسٹ سے نکلنے کی تصدیق کی تھی اور اس کا سہرا اسد عمر ، اُن کی ٹیم اور محکمہ صحت کو دیا۔

انہوں نے اپنے پیغام میں لکھا تھا کہ ’میں تصدیق کرتا ہوں پاکستان کا نام ریڈ لسٹ سے نکال دیا گیا، مجھے اندازہ ہے کہ گزشتہ پانچ ماہ بہت تکلیف دہ رہے‘۔

Comments

یہ بھی پڑھیں