کراچی: پاکستانی گلوکار عاصم اظہر نے افغانستان کے خلاف حاصل ہونے والی فتح کو اپنی سالگرہ کا تحفہ قرار دے دیا۔
سماجی رابطے کی ویب سائٹ پر گلوکار نے میچ کا جشن منانے کی ویڈیو شیئر کی، جس میں وہ خوشی سے جھومتے ہوئے نظر آرہے تھے۔
انہوں نے پاکستان زندہ باد کا نعرہ لگاتے ہوئے اس فتح کو اپنی سالگرہ کا تحفہ قرار دیا۔
عاصم اظہر نے لکھا کہ ’یہ میری سالگرہ کا زبردست تحفہ ہے‘۔ انہوں نے قومی ٹیم کے کھلاڑیوں سے اپنی محبت کا اظہار بھی کیا۔
یاد رہے کہ پاکستانی گلوکاروں میں عاصم اظہر کا شمار کرکٹ شائقین میں ہوتا ہے، جو ہر میچ کے حوالے سے اپنی رائے کا اظہار کرتے ہیں۔
گلوکار ٹی ٹوینٹی میں بھارت، نیوزی لینڈ کے خلاف حاصل ہونے والی فتوحات میں بھی سماجی رابطے کی ویب سائٹ پر پیغامات شیئر کرچکے ہیں۔
PAKISTAN ZINDABAD !!!!!!!!!!!! 💚💚💚💚💚💚💚💚💚💚 WHAT A BIRTHDAY GIFT I LOVE YOU BOYS 🇵🇰🇵🇰🇵🇰🇵🇰🇵🇰🇵🇰🇵🇰🇵🇰 #PAKvAFG #T20WorldCup pic.twitter.com/CSwtGh45zf
— Asim Azhar (@AsimAzharr) October 29, 2021
ایک پیغام میں تو انہوں نے لکھا تھا کہ ’امکان ہے آپ لوگ میرے اتنے زیادہ ٹویٹس سے تنگ آرہے ہوں مگر میں اس معاملے میں بہت جذباتی ہوں اور خود کو روک نہیں سکتا‘۔
