اسکاٹ لینڈ کے شہر گلاسگو میں اس وقت دنیا بھر سے 20 ہزار حکومتی نمائندگان اور لیڈران موجود ہیں، جو کانفرنس آف پارٹیز (کوپ) 26 نامی سمٹ میں شرکت کے لیے آئے ہیں۔
کوپ 26 کا مقصد دنیا کو درپیش ماحولیاتی چیلنجز سے نمٹنے کے لیے اقدامات کرنا ہے۔ عالمی کانفرنس 31 اکتوبر سے 12 نومبر تک جاری رہے گی، جس میں دنیا بھر کے لیڈران موسمیاتی تبدیلیوں سے نمٹنے اور اس حوالے سے اقدامات پر اپنی قیمتی آرا پیش کریں گے،
کانفرنس میں افتتاحی سیشن سے صدر آلوک شرما نے خطاب کیا اور شرکا سے کہا کہ کوپ 26 دنیا کے درجہ حرارت میں تیزی سے ہوتے اضافے کو ڈیڑھ سینٹی گریڈ تک محدود کرنے کی آخری اور بہترین امید کی کرن ہے۔
یاد رہے کہ چھ سال قبل پیرس میں عالمی رہنماؤں نے اس مقصد پر اتفاق کیا تھا، کوپ میں اُن فیصلوں پر ہونے والی پیشرفتوں کا جائزہ لیا جا رہا ہے، کانفرنس کے اختتام پر اہم اعلانات کا امکان بھی ظاہر کیا جارہا ہے۔
کانفرنس میں سب سے زیادہ زور کاربن کا اخراج کم سے کم کرنے، پلاسٹک کے استعمال کو ختم کرنے پر دیا جارہا ہے، اس حوالے سے سائنسی ماہرین بھی تباہ کاریوں کے حوالے سے رپورٹ پیش کریں گے۔
امریکا کے سب سے قابل اعتبار نشریاتی ادارے سمجھے جانے والے چینل سی این این سے وابستہ نیوز اینکر نے سماجی رابطے کی ویب سائٹ پر اس کانفرنس کے حوالے سے ٹویٹ کی، جس میں وہ دعویٰ کررہے تھے کہ وہ کوپ کی کوریج کے لیے گراؤنڈ پر موجود ہیں۔
سی این این کے اینکر وولف بلیٹزر نے سماجی رابطے کی ویب سائٹ پر اپنی ایک تصویر شیئر کی ، جس میں وہ اسٹوڈیو میں موجود تھے۔
انہوں نے دعویٰ کیا کہ وہ کوپ کانفرنس کی کوریج کے لیے اسکاٹ لینڈ کے شہر ایڈن برگ میں موجود ہیں، جہاں دنیا کے بیس ہزار سے زائد لیڈران، حکومتی نمائندے شریک ہیں۔
I’m now reporting from Edinburgh in Scotland where 20,000 world leaders and delegates have gathered for the COP26 Climate Summit. COP, by the way, stands for “Conference of the Parties.” It’s the 26th time they have gathered to discuss and take action on this critical issue. pic.twitter.com/BGTAeU5cBy
— Wolf Blitzer (@wolfblitzer) November 1, 2021
اس ٹویٹ نے امریکی اینکر کے لیے بڑی پریشانی کھڑی کی، جس میں وہ الجھ کر رہ گئے کیونکہ صارفین نے اس تصویر کی بنیاد پر انہیں ’جھوٹا‘ بھی قرار دیا۔
COP 26 is in Glasgow, not Edinburgh
— Matt (@matthewgordonn) November 1, 2021
صارفین نے اینکر کو بتایا کہ کوپ 26 کانفرنس اسکاٹ لینڈ کے شہر ایڈن برگ میں نہیں بلکہ گلاسگو میں جاری ہیں۔
Isn’t technology marvellous. You can actually be in one place and talk about something that’s going on in another 45 miles away.
— Stephen Blakeman (@StephenBlakeman) November 1, 2021
ایک صارف نے لکھا کہ ایڈن برگ کے معروف مقام کی وجہ سے وولف نے اسی شہر کا نام لکھا ورنہ وہ گلاسگو بھی لکھ سکتے تھے۔
ایک صارف نے لکھا کہ ایڈن برگ سے بیٹھ کر وولف 62 کلومیٹر فی گھنٹہ کی رفتار سے رپورٹنگ کررہے ہیں کیونکہ یہ شہر اسکاٹ لینڈ کے مغرب میں واقع ہے۔
He is reporting from Edinburgh though, as can be seen by the backdrop. Glasgow would not be able to host the entire world media on its own
— Niall C (@Nialler67) November 1, 2021
