پنجاب میں بلدیاتی انتخابات کیلئے امیدواروں کی جانب سے کاغذات نامزدگی جمع کرانے کا سلسلہ جاری ہے، کاغذات نامزدگی جمع کرانے کا کل آخری دن ہے، امیدواروں کی بڑی تعداد نے کاغذات نامزدگی داخل کرا دیئے ہیں۔
پنجاب بھر میں میں بلدیاتی انتخابات کی تیاریاں زور و شور سے جاری ہیں، امیدواروں کی جانب سے بائیس دسمبر سے کاغذات نامزدگی جمع کرائے جا رہے ہیں، امیدواروں کی ابتدائی فہرست 28 دسمبر کو جاری ہوگی جبکہ اگلے روز اعتراضات وصول کئے جائیں گے۔
الیکشن کمیشن کے شیڈول کے مطابق پنجاب میں کاغذات نامزدگی کی جانچ پڑتال تیس دسمبر سے چار جنوری تک ہوگی جبکہ امیدوار بارہ جنوری تک کاغذات نامزدگی واپس لے سکیں گے، امیدواروں کی حتمی فہرست تیرہ جنوری کو جاری کر دی جائے گی۔
پولنگ تیس جنوری کو ہوگی جبکہ نتائج کا اعلان دو فروری کو کیا جائے گا، الیکشن کمشن نے پنجاب بھر میں تقرر اور تبادلوں پر پابندی عائد کررکھی ہے جبکہ پنجاب کی انتخابی فہرستیں منجمد کردی گئی ہیں۔
