The news is by your side.

Advertisement

حارث سہیل اور فیصل اقبال کے درمیان تلخ کلامی

قومی ٹیم کے بلے باز حارث سہیل اور بلوچستان کے ہیڈ کوچ فیصل اقبال کے درمیان شدید تلخ کلامی ہوگئی۔

اے آر وائی نیوز کے مطابق قومی ٹیم کے مڈل آرڈر بیٹر حارث سہیل اور فیصل اقبال کے درمیان تلخ کلامی ہوئی جس کے بعد فیصل اقبال کے رویے کے خلاف سینئر کھلاڑیوں نے بورڈ کو شکایات کے انبار لگادیے۔

ذرائع کے مطابق کرکٹ بورڈ نے جب فیصل اقبال سے جواب طلب کیا تو وہ ذہنی دباؤ کا جواز بنا کر چھٹی لے کر گھر چلے گئے۔

ذرائع کا کہنا ہے کہ حارث سہیل، اوپنر امام الحق، عمران بٹ بھی فیصل اقبال کے خلاف ایک ہوگئے۔

واضح رہے کہ فیصل اقبال کی کچھ عرصہ قبل وسیم حیدر سے بھی شدید تلخ کلامی ہوئی تھی۔

واضح رہے کہ گزشتہ سال ٹیسٹ کرکٹر دانش کنیریا کو ملتان ٹیسٹ نے برائن لارا نے تین گیندوں پر تین چھکے رسید کیے جس پر فیصل اقبال نے طنزیہ ٹویٹ کیا تھا جو دانش کنریا کو برا لگ گیا تھا اور انہوں نے فیصل اقبال کو کھری کھری سنادی تھی۔

فیصل اقبال بھی کسی سے پیچھے نہ رہے اور سابق لیگ اسپنر کو فکسر کہہ دیا تھا، اس سے قبل دانش کنیریا نے چھکوں پر منفی تبصرہ کرنے پر فیصل کو یہ کہا تھا کہ دیکھو بول کون رہا ہے جس نے چند ہی میچز کھیلے ہیں، ان میچز کا بھی ذکر کردیتے جو میں نے جتوائے تھے۔

فیصل کا کہنا تھا کہ ایک فکسر اور جھوٹے اعدادوشمار سے بہتر ہے اب جھوٹی ہمدردی حاصل کرنے کی کوشش کررہے ہیں، میرا کیریئر فکسنگ سے پاک ہے اور جتنے بھی میچز کھیلے اس پر فخر ہے۔

Comments

یہ بھی پڑھیں