The news is by your side.

Advertisement

بھارتی سیاست دان کا معروف اداکار کو مارنے پر انعام دینے کا اعلان

بھارتی سیاست دان نے تامل فلم ’جے بھیم‘ بنانے والے اداکار سوریا کو مارنے پر انعامی رقم دینے کا اعلان کردیا۔

بھارتی میڈیا رپورٹ کے مطابق تامل ناڈو کی سیاسی جماعت پٹالی مکل کچی (پی ایم کے) نے فلم جے بھیم کو جذبات کو ٹھیس پہنچانے والی فلم قرار دیا ہے جبکہ فلم کامیابی کے جھنڈے گاڑھ رہی ہے۔

اداکار سوریا کے خلاف پی ایم کے مقامی لیڈر سیتھاملی پزبانی سوامی نے مائیلا دو دو رائی میں سوریا کے خلاف کمشنر آفس میں درخواست بھی دائر کی ہوئی ہے۔

انہوں نے کہا کہ جس طرح بنگلور ایئرپورٹ پر اداکار وجے سیتھوپتی پر حملہ ہوا تھا ایسا ہی حملہ ان کی پارٹی کے نوجوان سوریا پر کریں۔

سیاست دان نے اعلان کیا کہ اگر سوریا مائیلا دو دو رائی آئیں تو چاہتے ہیں کہ پی ایم کے کا نوجوان ان پر حملہ کرے تو اسے ایک لاکھ روپے انعام ملے گا۔

دوسری جانب وننیئر سنگم کے لیڈر ارول موزہی نے سوریا کو نوٹس جاری کیا ہے جس میں برادری کی ساکھ کو نقصان پہنچانے پر 5 کروڑ روپے کا معاوضہ طلب کیا ہے۔

Comments

یہ بھی پڑھیں