ٹرین میں سوار ہونے کی جلدی میں بعض اوقات مسافر کی غفلت اُسے زندگی بھر کا روگ دے جاتی ہے۔
عام طور پر اسٹیشن پر کھڑے مسافر جب دور سے اپنی ٹرین کو پلیٹ فارم کی جانب آتا ہوا دیکھتے ہیں تو وہ سامان اٹھا کر جلدی جلدی اس کی طرف بھاگتے ہیں تاکہ اپنی سیٹ پر پہلے سے پہلے پہنچ جائیں۔
اس جلد بازی کے چکر میں بعض اوقات ایسے دل دہلا دینے والے واقعات پیش آتے ہیں، جس میں انسانی جان کا نقصان ہوتا ہے جبکہ بعض اوقات انسان معذور تک ہوجاتا ہے۔
اسی طرح کا ایک واقعہ بھارت میں واقع کلیان ریلوے اسٹیشن پر پیش آیا، جس میں خوش قسمتی مسافر کو باحفاظت ریسکیو کرلیا اور اُسے بس معمولی خراشیں آئیں۔
کلیان ریلوے اسٹیشن پر پٹریوں کی نگرانی کرنے والے افسر نے سماجی رابطے اور مائیکروبلاگنگ ویب سائٹ پر دو روز قبل پیش آنے والے ایک واقعے کی ویڈیو شیئر کی،
Pointsman of Kalyan station @drmmumbaicr saved the life of a passenger.on 14.11.2021 As 02321up left at Kalyan station at 11.54 hrs, Pointsman Shri Shivji Singh noticed a passenger falling between the platform and the train.The pointsman immediately helped him and saved his life pic.twitter.com/jRpa4iN3Sz
— DRM MUMBAI CR (@drmmumbaicr) November 16, 2021
یہ واقعہ دوپہر گیارہ بج کر 54 منٹ پر اُس وقت پیش آیا جب پلیٹ فارم پر کھڑا ہوا ایک مسافر جلد بازی میں ریل گاڑی کے نیچے چلا گیا۔
مسافر نے اسی دوران مدد کے لیے چیخنا شروع کیا تو اسٹیشن پر کھڑے افراد اُس کو بچانے کے لیے بھاگے اور پھر سب نے مل کر اُس کا باہر نکالا، خوش قسمتی سے مسافر کو زیادہ نقصان نہیں پہنچا بس معمولی خراشیں آئیں۔
اسٹیشن پر موجود دیگر افراد مسافر کو دیکھ کر حیران رہ گئے اور انہوں نے اسے ’معجزہ‘ قرار دیا۔
