جونیئر ہاکی ورلڈ کپ میں قومی ٹیم کو پہلے ہی میچ میں شکست کا سامنا کرنا پڑ گیا۔

اے آر وائی نیوز کے مطابق بھارت میں جاری جونیئر ہاکی ورلڈ کپ کے پہلے میچ میں جرمنی نے پاکستان کو 2 کے مقابلے میں 5 گول سے شکست دے دی۔

حریف ٹیم نے پہلے کوارٹر میں دو گول کرکے برتری حاصل کی۔

دوسرے کوارٹر میں پاکستان کے عبدالحنان نے خسارہ کم کیا لیکن حریف ٹیم نے مزید دو گول داغ دیے اور اسکور 4-1 کردیا۔

آخری کوارٹر میں حماد الدین گول کرنے میں کامیاب ہوئے پر ٹیم کو ہار سے نہ بچاسکے۔

دوسری جانب بیلجیئم نے جنوبی افریقہ کو 5 کے مقابلے میں 1 گول سے شکست دی، قومی ٹیم ایونٹ میں دوسرا میچ 27 نومبر بروز ہفتے کو مصر سے کھیلے گی۔