واشنگٹن: امریکا ریاست کیلی فورنیا میں زلزلے کے جھٹکے محسوس کیے گئے، ریکٹر اسکیل پر ان کی شدت 6.4 ریکارڈ کی گئی۔
غیر ملکی خبررساں ادارے کی رپورٹ کے مطابق کیلی فورنیا کے جنوبی علاقوں میں جمعرات کی صبح مقامی وقت کے مطابق ساڑھے دس بجے کے قریب زلزلے کے شدید جھٹکے محسوس کیے گئے جس کے باعث بلند و بالا عمارتیں لرز اٹھیں۔ امریکی جیولوجیکل سروے کے مطابق زلزلے کا مرکز سیلرز ویلی تھا، جبکہ اس کی گہرائی 8.7 تھی۔
لاس اینجلس کے مقامیوں کا بھی کہنا ہے کہ انہوں نے بھی چند سیکنڈ تک ہلکی نوعیت کے زلزلے کے جھٹکے محسوس کیے البتہ ابھی اس بات کی تصدیق نہیں ہوسکی۔
زلزلے کے باعث لاس اینجلس کے بین الاقوامی ہوائی اڈے پر فلائٹ آپریشن کچھ دیر کے لیے معطل ہوا البتہ آدھے گھنٹے کے بعد پراوزیں معمول کے مطابق اڑنے لگیں۔
Prelim M6.6 Earthquake Southern California Jul-04 17:33 UTC, updates https://t.co/U0QmdQsbaW
— USGS Big Quakes (@USGSBigQuakes) July 4, 2019
لاس اینجلس پولیس کی جانب سے جاری ہونے والے اعلامیے میں کہا گیا ہے کہ انہیں ابھی تک کسی بھی جانی و مالی نقصان کی اطلاع موصول نہیں ہوئی۔
مقامی حکومتوں نے کسی بھی ناخوشگوار واقعے سے محفوظ رہنے کے لیے ریسکیو کے تمام اداروں کو تیار رہنے کی ہدایت کی جبکہ بلند عمارتوں میں رہنے والے مکینوں کو بھی محفوظ مقام پر منتقل کردیا گیا۔
لاس اینجلس یا جنوبی کیلی فورنیا میں زلزلے کے باعث کوئی جانی و مالی نقصان کی اطلاع تاحال سامنے نہیں آئی۔
امریکی صدر ڈونلڈ ٹرمپ نے سماجی رابطے کی ویب سائٹ ٹویٹر پر لکھا کہ انہیں زلزلے کے حوالے سے بریفنگ دی گئی، ساری چیزیں حکومتی کنٹرول میں ہیں اور صورتحال معمول کے مطابق ہے۔
Been fully briefed on earthquake in Southern California. All seems to be very much under control!
— Donald J. Trump (@realDonaldTrump) July 4, 2019