کرائسٹ چرچ: نیوزی لینڈ کرکٹ بورڈ کا کہنا ہے کہ سیریز کے لیے پاکستانی اسکواڈ میں شامل 6 ارکان کے کرونا ٹیسٹ مثبت آگئے ہیں۔
تفصیلات کے مطابق نیوزی لینڈ کرکٹ بورڈ نے بتایا کہ پاکستانی اسکواڈ میں شامل 6میں سے 2ارکان پہلے بھی کرونا کا شکار ہوچکے ہیں۔ جبکہ 4ارکان کا کرونا ٹیسٹ پہلی بار مثبت آیا ہے۔
قومی ٹیم اس وقت کرائسٹ چرچ میں قرنطینہ میں ہے۔ نیوزی لینڈ راونگی سے قبل تمام ارکان کے کرونا ٹیسٹ منفی آئے تھے۔ قومی کرکٹ ٹیم کو پریکٹس کرنے سے بھی روک دیا گیا۔
حریف کو زیر کرنے کا مشن، قومی ٹیم نیوزی لینڈ پہنچ گئی
خیال رہے کہ کرائسٹ چرچ پہنچنے کے بعد پاکستانی اسکواڈ کا کرونا ٹیسٹ کیا گیا تھا۔
پی سی بی کے ڈاکٹر سہیل سلیم کا کہنا تھا کہ سیریز سے قبل کھلاڑیوں کو پریکٹس کا چانس کم ملے گا، گروپ کی شکل میں ٹریننگ ہوگ، آئسولیشن مکمل ہونے کے بعد کھلاڑی ایک ساتھ ٹریننگ کرسکیں گے۔
میچز کا شیڈول
پاکستان اے اور نیوزی کے درمیان پہلا فور ڈے ٹور میچ 10 دسمبر کو کھیلا جائے گا جبکہ دوسرا فور ڈے ٹور میچ 17 دسمبر کو ہوگا۔ پاکستان اور نیوزی لینڈ کے درمیان 3ٹی ٹوئنٹی اور 2ٹیسٹ میچ کھیلے جائیں گے۔
پہلا ٹی ٹوئنٹی میچ 18 دسمبر کو کھیلا جائے گا۔ دوسرا 20 اور آخری ٹی ٹوئنٹی میچ 22 دسمبر کو ہوگا۔ پاکستان اور نیوزی لینڈ کے درمیان پہلا ٹیسٹ میچ 26 دسمبر کو کھیلا جائے گا۔
پاکستان اورنیوزی لینڈ کے درمیان دوسرا ٹیسٹ میچ 3 جنوری کو ہوگا۔
