فرانس : مثل مشہور ہے کہ جسے اللہ رکھے اسے کون چکھے کے مصداق فرانس میں عمارت کے تیسرے فلور سے چھ ماہ کی بچی کو اس کے والدین نے نیچے پھینک دیا۔
فرانس کے مغربی شہر نانٹیس میں ایک اندوہناک واقعہ پیش آیا ہے جہاں والدین نے اپنی چھ ماہ کی بچی کی جان بچانے کیلئے اسے تیسری منزل پر واقع فلیٹ سے نیچے پھینک دیا۔
غیر ملکی خبر رساں ادارے کے مطابق گزشتہ روز ایک عمارت کی تیسری منزل میں نامعلوم وجوہات کی بنا پر خوفناک آگ بھڑک اٹھی، فلیٹ میں میاں بیوی اور ان کی چھ ماہ کی بیٹی موجود تھی، انہوں نے مدد کیلئے لوگوں کو پکارا۔
🇫🇷 Hier après-midi, à Nantes, des jeunes du quartier de La Bottière ont sauvés une famille et leur bébé d’un incendie d’appartement. Bravo et respect à ces jeunes héros ! 👏❤ (Vidéo Facebook) pic.twitter.com/KYgSK2qUBq
— 🗞 Le Média Positif 🌱 (@LMPositif) March 29, 2021
فلیٹ کی بالکونی سے دھواں اٹھتا دیکھ کر آس پاس کے کافی لوگ جمع ہوگئے اور اپنی مدد آپ کے تحت ایک دوسرے کے کندھے پر چڑھ کر فلیٹ کی بالکونی تک پہنچ گئے۔
اس دوران آگ کی شدت اور دھوئیں میں مزید اضافہ ہوچکا تھا جس کے باعث والدین نے اپنی نومولود بچی کو نیچے کھڑے لوگوں کی جانب پھینک دیا جو خوش قسمتی سے زندہ بچ گئی اور اے معمولی چوٹیں آئیں۔
مقامی لوگوں نے دونوں میاں بیوی کو بہت مشکل سے نیچے اتارا، بعد ازاں بچی کو قریبی اسپتال لے جایا گیا جہاں اس کی حالت اب بہت بہتر بتائی جا رہی ہے۔
