کراچی : فیڈرل انویسٹی گیشن ایجنسی (ایف آئی اے) نے بدعنوانی میں ملوث سی ڈی اے افسران کے گرد گھیرا تنگ کردیا، تاہم کسی افسر کی گرفتاری عمل میں نہیں آئی۔
اس حوالے سے ذرائع کا کہنا ہے کہ ایف آئی اے نے سی ڈی اے کے6افسران کے خلاف مقدمہ درج کرلیا ہے، ملزمان پر الزام ہے کہ انہوں نے پاکستان میڈیکل ہاؤسنگ سوسائٹی کے لیے آؤٹ پلان کو تبدیل کیا۔
ذرائع کے مطابق مقدمے میں نامزد ملزمان میں سی ڈی اے ڈائریکٹر اسداللہ، ممبرغلام سرور سندھو، ظفر اقبال، عاشق علی غوری، لیاقت محی الدین قادری اور عبدالحق بروہی شامل ہیں۔
ایف آئی اے ذرائع کا کہنا ہے کہ مذکورہ مقدمہ سابق ڈائریکٹر ایچ آر فیاض احمد وٹو کی انکوائری رپورٹ کے بعد درج کیا گیا۔
ذرائع کا کہنا ہے کہ مقدمے کے اندراج کے بعد تاحال ابھی کسی افسر کی گرفتاری عمل میں نہیں آئی ہے، مزید تفتیش جاری ہے۔
Comments
- Advertisement -
