The news is by your side.

Advertisement

بچے اسکول سے گھر لوٹے تو ماؤں کی لاشیں دیکھیں

واشنگٹن: امریکا میں ایک ایسا دل خراش واقعہ پیش آیا جہاں بچے اسکول سے گھر لوٹے تو ان کی ماؤں کی لاشیں خون میں لت پت پڑی ملیں۔

تفصیلات کے مطابق امریکی ریاست پنسلوانیا میں دو خواتین کی موت ایک معمہ بن گیا ہے، دو بچے(بھائی) اسکول سے گھر پہنچے تو اپنے سامنے والدین کی لاشیں دیکھ کر سہم گئے اور حواس باختہ ہوکر چیخنے چلانے لگے۔

غیر ملکی خبرساں ادارے کے مطابق 38 اور 50 سالہ خواتین کی لاشیں گھر سے ملیں جن کے سر اور سینے میں گولیاں لگیں۔ فائرنگ کس نے کی یہ ایک معمہ ہے، البتہ پولیس نے واقعہ قتل کے بعد خود کشی کا شاخسانہ قرار دیا ہے۔

پڑوسیوں کا کہنا ہے کہ بچوں نے واقعے کی اطلاع سیکیورٹی گارڈ کو دی بعد ازاں پولیس جائے وقوعہ پر پہنچی، گھر سے ایک پستول بھی برآمد ہوئی پولیس کے مطابق دونوں خواتین کی موت اسی پستول سے ہوئی ہے۔

غیر ملکی میڈیا کا کہنا ہے کہ آس پاس کے لوگوں نے جوڑے کی بڑی تعریف کی البتہ ماضی میں گھریلو ناچاکیوں پر دونوں کے درمیان لڑائی بھی ہوئی، جبکہ پولیس نے واقعے سے متعلق تحقیقات شروع کردی، موت کی وجہ اور دیگر حقائق جلد سامنے آئیں گے۔

Comments

یہ بھی پڑھیں