امریکا میں چلتی گاڑی میں 6 سالہ پوتی نے اپنی دادی کو گولی مار کر شدید زخمی کر دیا۔
غیر ملکی میڈیا کے مطابق یہ واقعہ ریاست فلوریڈا میں اُس وقت پیش آیا جب 57 سالہ خاتون 6 سالہ پوتی کو پچھلی نشست پر بٹھا کر کار چلا رہی تھیں۔
پوتی نے پچھلی نشست پر رکھے بیگ سے بندوق نکال لی اور اسے کھلونا سمجھ کر کھیلنے لگی جبکہ دادی اس سے بالکل لاعلم رہیں۔
- Advertisement -
کمسن بچی سے اچانک گولی چل گئی جو دادی کی کمر میں جا لگی۔ خاتون نے ڈرائیونگ جاری رکھی اور گھر پہنچ کر ریسکیو ٹیم کو طلب کیا۔
خاتون کو فوری طور پر ہیلی کاپٹر کے ذریعے اسپتال منتقل کیا گیا جہاں اب ان کی حالت خطرے سے باہر بتائی جاتی ہے۔
