پشاور میں 6 سالہ بچی کو مبینہ زیادتی کے بعد قتل کرنے والے ملزم کو پولیس نے حراست میں لے لیا۔
اے آر وائی نیوز کے مطابق پولیس ذرائع نے اس بات کی تصدیق کی ہے کہ 6 سالہ بچی کو قتل کرنے والے ملزم کو حراست میں لے لیا گیا ہے۔
پولیس کے مطابق 6 سالہ عائشہ کو قتل کرنے والا ملزم بچی کا قریبی رشتے دار ہے، بچی کی پوسٹ مارٹم رپورٹ مل چکی ہے، جبکہ تحقیقات کا آغاز کردیا گیا ہے۔ واضح رہے کہ 30 اگست کو بچی کی لاش دریائے شاہ عالم کے قریب کھیت سے برآمد کی گئی تھی۔
دوسری جانب پولیس نے اہم کارروائی کرتے ہوئے ساتھی کی مدد سے شوہر کو قتل کرنیوالی بیوی کو 3سال بعد حراست میں لے لیا۔
اے آر وائی نیوز کے مطابق ملزمہ نے اپنے شوہر کو ساتھی کی مدد سے گلہ دبا کر موت کی نیند سلا دیا تھا اور حادثاتی موت کاڈرامہ رچایا تھا۔
ڈی پی اوطارق ولایت کے مطابق ساتھی نے ملزمہ کو شوہر کا گلہ دبانے کی ویڈیو بنالی تھی، ملزمہ کاساتھی ویڈیو دکھا کر کئی سال سے ملزمہ کو بلیک میل کرتا رہا۔
