بھارتی حیدرآباد کے پرانے شہر میں افسوسناک واقعہ پیش آیا، جہاں 6 سالہ بچی کو جنسی زیادتی کا نشانہ بنا دیا گیا۔
غیر ملکی ذرائع ابلاغ کے مطابق حسینی علم پولیس کا اس حوالے سے کہنا ہے کہ 70 سالہ شخص نے گھر کے باہر کھیلتی ہوئی بچی کو بہانے سے اپنے گھر بلایا اور عصمت ریزی کا نشانہ بنادیا۔
مذکورہ واقعے کے بعد معصوم بچی نے اپنے گھر والوں کو ساری روداد سنائی، جس پر بچی کے والدین نے پولیس سے رابطہ کیا۔ پولیس نے مقدمہ درج کرکے ملزم کو گرفتار کرلیا ہے، جبکہ مزید کارروائی کا آغاز کردیا گیا ہے۔
دوسری جانب بھارت کی ریاست اتر پردیش میں انتہا پسند ہندو تنظیم آر ایس ایس کے رہنما اور ان کی سوتیلی بیٹی کو گلا کاٹ کر قتل کر دیا گیا۔
میڈیا رپورٹس کے مطابق راشٹریہ سویم سیوک سنگھ کے 67 سالہ رہنما اور ان کی سوتیلی بیٹی کو نامعلوم افراد نے اُس وقت قتل کیا جب وہ گھر میں سو رہے تھے۔
علی الصبح 6 بجے جب پڑوسی نے مقتولین کے گھر کا مرکزی دروازہ کھلا دیکھا تو وہ اندر گیا جہاں لاشیں موجود تھیں۔ اس نے فوری پولیس کو طلب کیا۔
مقتول کی شناخت یوگیش چند اگروال کے نام سے ہوئی جو آر ایس ایس کے ضلعی صدر تھے۔ انہوں نے 27 سالہ مقتولہ شریتی کو گود لیا تھا۔
ہیوسٹن کے چرچ میں خاتون کی فائرنگ سے متعدد زخمی
جس کمرے میں مقتولین سو رہے تھے وہاں ہرطرف خون کے نشانات پائے گئے۔ پولیس کے مطابق ڈکیتی کے دوران باپ بیٹی نے مزاحمت کی جس پر دونوں کو قتل کیا گیا۔
