The news is by your side.

Advertisement

6 سالہ بچی نے گھر کو بڑی ’قیامت‘ سے بچالیا

نیویارک: امریکا کی 6 سالہ بچی نے اپنے ماں باپ اور دو سالہ بہن کی زندگیوں کو بچا کر ’ہیرو‘ کا لقب حاصل کرلیا۔

امریکی میڈیا رپورٹ کے مطابق ایونیل فائر ڈیپارٹمنٹ نے سماجی رابطے کی ویب سائٹ پر باہمت بچی کی تصاویر شیئر کرتے ہوئے اُس کے کارنامے کے بارے میں دنیا کو آگاہ کیا۔

پوسٹ میں بتایا گیا ہے کہ ایک گھر میں اچانک آگ بھڑک اٹھی تھی، 6 سالہ لڑکی ماڈالین کارلبون نے بروقت اقدامات کر کے اپنے ماں باپ اور دو سال کی بہن کو بچایا۔

رپورٹ کے مطابق ایف ایف کارلبون کی 6 سالہ صاحبزادی کی آنکھ اُس وقت کھلی جب گھر میں نصب ایمرجنسی الارم بجا، 6 سالہ بچی نے کمال ذہانت کا مظاہرہ کرتے ہوئے فوری طور پر اپنے والد کو جگایا اور بتایا کہ گھر میں دھواں بھرا ہوا ہے۔

محکمہ فائر بریگیڈ کے مطابق بچی نے بغیر کسی ہچکچاہٹ یا گھبراہٹ کے اپنے والدین کو بروقت اٹھا کر اُن کی قیمتی جانوں کو محفوظ بنایا۔ ایف ایف کارلبون کے مطابق اُن کے والد نے یہ سکھایا ہوا تھا کہ اگر کبھی گھر میں آتشزدگی نظر آئے یا دھواں دیکھو تو فوری طور پر سب کو جگا دینا۔

’مجھے دھواں دیکھ کر والد کی بات یاد آگئی، جس کے بعد سب سے پہلے میں نے انہیں جگایا اور پھر والدہ کو اٹھا دیا، بعد ازاں ہم سب گھر سے باہر آگئے اور فائربریگیڈ ہیلپ لائن پر رابطہ کیا‘۔

بچی کی ذہانت اور اُس کے اقدام پر انٹرنیٹ صارفین نے اُسے ’ہیرو‘ کا لقب دیا۔

This morning at approximately 0217 hours, the Avenel Fire Department was dispatched for a residential structure fire….

Posted by Avenel Fire Department on Sunday, January 19, 2020

fb-share-icon0
Tweet 20

Comments

comments

یہ بھی پڑھیں