ارجنٹائن کی 60 سالہ وکیل اور صحافی خاتون نے مس بیونس آئرس کا ٹائٹل اپنے نام کرلیا۔
تفصیلات کے مطابق ارجنٹائن کی 60 سالہ وکیل اور صحافی خاتون نے تمام دقیانوسی تصورات کو توڑتے ہوئے مس بیونس آئرس کا ٹائٹل اپنے نام کرلیا، الجانڈرا مریسا روڈریگوئز نامی اس خاتون نے مس ارجنٹینا بیوٹی مقابلے کے لیے بھی کوالیفائی کرلیا ہے۔
الجانڈرا مریسا روڈریگز کے کوالیفائی کرنے کی وجہ اس عمر میں بھی حیرت انگیز طور پر جوان نظر آنا ہے، حالانکہ ان کے ساتھ مقابلے میں شریک زیادہ تر خواتین ان سے بہت کم عمر تھیں لیکن ججز نے انہیں کامیاب قرار دیا۔
مس بیونس آئرس کا تاج جیتنے کے بعد الجانڈرا مریسا نے کہا کہ میں یہ سوچتی تھی کہ مقابلہ حسن میں حصہ لینے کی عمر نہیں ہے، لیکن قوانین میں تبدیلی کے بعد میں نے اس مقابلہ میں حصہ لیا اور تاج اپنے نام کرلیا۔
واضح رہے کہ 1958 سے عمر کی جو حد مقرر تھی وہ اب ختم کردی گئی ہے، اس سال سے شروع ہونے والے یہ مقابلے اب صرف 18 سے 28 سال تک کی خواتین کے لیے محدود نہیں رہا ہے بلکہ اب میچور عمر کی خواتین بھی اس میں امیدوار بن سکتی ہیں۔
