The news is by your side.

Advertisement

عثمان خواجہ سے متاثر ہوکر آسٹریلوی کھلاڑیوں نے شراب چھوڑ دی

ایشیز سیریز جیتنے کے بعد فتح کے جشن میں پاکستانی نژاد آسٹریلوی کرکٹر عثمان خواجہ جشن میں شامل نہ ہوئے تو ان کے ساتھی کرکٹرز نے شراب کی بوتلیں نیچے رکھ کر انہیں واپس بلا لیا۔

آسٹریلوی کرکٹ ٹیم نے ایشیز سیریز میں انگلش ٹیم کو 4-0 سے آؤٹ کلاس کیا، انگلش ٹیم آسٹریلوی سرزمین پر بے بس نظر آئی اور کسی بھی ٹیسٹ میں کامیابی حاصل نہ کرسکی۔

سیریز جیتنے کے بعد کھلاڑیوں نے جشن منایا جس میں ہمیشہ کی طرح شراب کا استعمال کیا جارہا تھا لیکن وہاں عثمان خواجہ موجود نہیں تھے وہ اس سے قبل ہی چلے گئے تھے۔

لیکن آسٹریلوی کپتان پیٹ کمنز انہیں نہ بھولے، انہوں نے فوری طور پر شراب کی بوتلیں وہاں سے پیچھے ہٹوادیں اور عثمان خواجہ کو اسٹیج پر بلایا ان کے ساتھ جیت کا جشن منایا۔

سوشل میڈیا پر اس ویڈیو کو شئیر کیا جا رہا ہے، اور آسٹریلوی کپتان کے اس اقدام کو سراہا بھی جا رہا ہے۔

یاد رہے ایشز سیریز کے پانچویں ٹیسٹ میں آسٹریلیا نے شاندار بولنگ کے ذریعے انگلینڈ کو 146 رنز سے شکست دے کر سیریز 0-4 سے اپنے نام کر لی، ٹریوس ہیڈ کو شاندار بلے بازی پر نا صرف میچ کا بلکہ 357 رنز اسکور کرنے پر سیریز کا بھی بہترین کھلاڑی قرار دیا گیا۔

Comments

یہ بھی پڑھیں