تازہ ترین

کراچی: فیس بُک پر ہزار سے زائد فالوورز رکھنے والا ڈکیت گروہ گرفتار

کراچی میں پولیس نے کامیاب کارروائی کرتے ہوئے 4 رکنی ڈکیت گروہ کو گرفتار کرلیا۔

اے آر وائی نیوز کے مطابق کراچی کے علاقے بریگیڈ میں پولیس نے کارروائی کرتے ہوئے 4 رکنی ڈکیت گروہ کو گرفتار کرکے 32 موبائل فون اور اسلحہ برآمد کرلیا۔

پولیس حکام کے مطابق گرفتار ملزمان کے فیس بک پر 1377 فالوورز تھے۔

پولیس کا کہنا ہے کہ ملزمان میں فیضان، نور حسن، سمیر اور حسین شامل ہیں، ملزمان پر مختلف تھانوں میں 20 سے زائد مقدمات درج ہیں۔

ذرائع کا کہنا ہے کہ ملزم فیضان اپنے 4 رکنی گروہ کے ہمراہ وارداتیں کیا کرتا تھا۔

پولیس کا کہنا ہے کہ ملزمان کے خلاف مختلف دفعات کے تحت مقدمہ درج کرکے تحقیقات کا آغاز کردیا گیا ہے۔

Comments

- Advertisement -