The news is by your side.

Advertisement

کسٹم کی تحویل میں موجود 70 نایاب نسل کے باز مر گئے

کراچی میں کسٹم کی تحویل میں موجود 70 نایاب نسل کے باز مر گئے۔

اے آر وائی نیوز کے مطابق کراچی میں کسٹم کی تحویل میں موجود 70 نایاب نسل کے باز مناسب دیکھ بھال نہ ہونے کے سبب مر گئے، ایک سال پہلے کسٹم نے کراچی کے علاقے گزری سے 75 باز برآمد کیے تھے۔

کسٹم حکام کا کہنا ہے کہ مردہ بازوں کو عدالتی پراپرٹی کے طور پر فریج میں رکھ دیا گیا ہے۔

ذرائع کے مطابق کسٹم عدالت نے کیس وائلڈ لائف کا قرار دے دیا تھا، کسٹم کسٹڈی میں موجود 75 میں سے 70 باز مرگئے ہیں، چار ماہ سے مردہ باز کسٹم کی تحویل میں ہیں۔

ذرائع کا کہنا ہے کہ کسٹم حکام کی تحویل میں موجود 5 بازوں کی حالت بھی خراب ہے اور وہ بیمار ہیں لیکن کسٹم حکام نے کیس پراپرٹی ہونے کی وجہ سے انہیں سنبھال کر رکھا ہوا ہے۔

کسٹم حکام کا کہنا ہے کہ بازوں کی دیکھ بال ایک این جی او کے سپرد کی گئی تھی لیکن دیکھ بھال نہ ہونے اور بیماری لگنے کی وجہ سے یہ باز مر گئے۔

ذرائع کا بتانا ہے کہ خلیجی ممالک میں ایک پاکستانی باز 20 لاکھ روپے کا ہے جبکہ ستر بازوں کی قیمت 21 کروڑ کے لگ بھگ بنتی ہے۔

Comments

یہ بھی پڑھیں