The news is by your side.

Advertisement

سرفراز کے غصے پر دلچسپ میمز بن گئیں

پی ایس ایل میں کوئٹہ گلیڈی ایٹرز کے کپتان سرفراز احمد کے دوران میچ غصہ کرنے پر دلچسپ میمز بن گئیں۔

تفصیلات کے مطابق پی ایس ایل 7 میں کوئٹہ گلیڈی ایٹرز کی ٹیم نے تین میچز کھیلے، ایک میں کامیابی جبکہ دو میں شکست کا سامنا کرنا پڑا، گزشتہ روز ملتان سلطانز نے سرفراز الیون کو 6 رنز سے شکست دی۔

دوران میچ سرفراز احمد کے غصہ کرنے پر دلچسپ میمز کی بھرمار ہوگئی۔

کچھ صارفین کا کہنا ہے کہ کوئٹہ گلیڈی ایٹرز کی ہارنے کی ایک وجہ سرفراز احمد کا جارحانہ انداز کپتانی بھی ہے۔

شازیہ نامی صارف نے ایک ٹویٹ میں لکھا کہ ’سرفراز ہمیشہ اپنے بولرز پر غیرضروری دباؤ ڈالتے ہیں۔‘

ٹوئٹر پر ’نامعلوم افراد‘ نامی ٹوئٹر اکاؤنٹ نے کوئٹہ گلیڈی ایٹرز کے کپتان کے بولرز سے برتاؤ پر ایک پاکستانی ڈرامے کی کلپ شیئر کی۔

سوشل میڈیا پر ایسا معلوم ہوتا ہے کہ جیسے صارفین کو غصے میں دکھنے والا ہر شخص سرفراز احمد لگتا ہو۔

دوسری جانب کچھ صارفین ایسے بھی ہیں جو سرفراز احمد کے ساتھ ہمدردی کا اظہار کرتے ہوئے انہیں گراؤنڈ میں اپنا رویہ تبدیل کرنے کا مشورہ دے رہے ہیں۔

یاد رہے کہ سرفراز احمد کی ٹیم کا اپنا چوتھا میچ 3 فروری کو اسلام آباد یونائیٹڈ سے کھیلے گی۔

Comments

یہ بھی پڑھیں