عام طور پر کہا جاتا ہے کہ مائیں بیٹیوں کے مقابلے میں بیٹوں کو زیادہ چاہتی ہیں جبکہ بیٹیاں اپنی ماں کے مقابلے میں باپ کو زیادہ پیار کرتی ہیں۔
باپ بھی اپنی بیٹیوں کیلئے ایک تناور درخت کی طرح ہوتا ہے جس کے سائے میں وہ پرورش پاتی ہیں، باپ کا حوصلہ افزا رویہ بیٹیوں کی صلاحیتوں کو پروان چڑھانے میں مددگار ثابت ہوتا ہے۔
سوشل میڈیا پر ایک ننھی بچی کی ویڈیو تیزی سے وائرل ہورہی ہے جس نے دیکھنے والوں کو رلا دیا۔
بابا بغیر کچھ کھائے پیے کام پر چلے گئے تو ننھی بچی رو دی، ویڈیو میں دیکھا جاسکتا ہے کہ بچی کے آنسو تھمنے کا نام نہیں لے رہے۔
ننھی بچی روتے ہوئے کہہ رہی ہے کہ ’بابا بھوکے ہی کام کریں گے اور شام تک تو ان کا پیٹ خالی ہی رہے گا، مجھے اپنے بابا کی فکر ہورہی ہے۔
بچی کا مزید کہنا تھا کہ دنیا کی ہر بچی کو اپنے بابا کی فکر ہوتی ہے۔
یہ واضح نہیں ہوسکا کہ یہ ویڈیو کس ملک کی ہے لیکن سوشل میڈیا صارفین کی جانب سے بیٹی کی باپ سے محبت کو خوب سراہا جارہا ہے۔
