23.6 C
Boydton
اتوار, مئی 26, 2024
اشتہار

ماحولیاتی تبدیلیوں کے اثرات، تھائی لینڈ میں 61 افراد ہلاک

اشتہار

حیرت انگیز

بنکاک: ماحولیاتی تبدیلیوں کے اثرات کے باعث تھائی لینڈ میں گرمی کی لہر سے 61 افراد ہلاک ہو گئے۔

تفصیلات کے مطابق تھائی وزارت صحت نے جمعہ کو کہا کہ رواں سال تھائی لینڈ میں ہیٹ اسٹروک سے اب تک 61 افراد ہلاک ہو چکے ہیں، جو کہ 2023 کے تمام عرصے کے مقابلے زیادہ ہیں۔

خبر رساں ادارے اے ایف پی کے مطابق گزشتہ چند ہفتوں کے دوران تھائی لینڈ میں درجہ حرارت غیر معمولی طور پر زیادہ رہا اور حکام روزانہ کی بنیاد پر وارننگ جاری کرتے رہے ہیں، درجہ حرارت بڑھنے سے کئی افراد ہیٹ اسٹروک کا شکار ہوئے۔

- Advertisement -

تھائی وزارت صحت کے مطابق پچھلے پورے سال میں ہیٹ اسٹروک سے 37 شہریوں کی موت واقع ہوئی تھی، رواں برس تھائی لینڈ کے زرعی شمالی علاقوں میں زیادہ ہلاکتیں ہوئیں۔ واضح رہے کہ سائنس دان کئی سالوں سے خبردار کر رہے ہیں کہ انسانوں کی وجہ سے پیدا ہونے والی ماحولیاتی تبدیلیوں کے نتیجے میں اب اکثر گرمی کی شدید لہروں کا سامنا رہے گا، جو پہلے سے زیادہ طویل ہوں گی۔

اقوام متحدہ کی میٹریولاجیکل آرگنائزیشن کا کہنا ہے کہ ایشیا کا خطہ تیزی سے گرم ہو رہا ہے۔ تھائی لینڈ میں مون سون کے موسم میں تاخیر کے باعث بھی غیر معمولی طور پر درجہ حرارت زیادہ ہے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں