ایک شخص کی چینی سے جادوئی کرتب دکھانے کی ویڈیو سوشل میڈیا پر وائرل ہوگئی جسے دیکھ کر لوگ دنگ رہ گئے۔
سوشل میڈیا پر ایک ویڈیو تیزی سے وائرل ہورہی ہے جس میں ایک شخص چینی کے ساشے سے جادوئی کرتب دکھا رہا ہے، ویڈیو دیکھ کر صارفین حیران رہ گئے۔
ویڈیو میں دیکھا جاسکتا ہے کہ ایک شخص چینی کے ساشے کو کھولتا ہے اور چینی کو مٹھی میں ڈال لیتا ہے۔
اس کے بعد وہ چینی کا خالی ساشے ہونٹوں میں دبا لیتا ہے اور مٹھی میں بند چینی کو ہوا میں اڑا دیتا ہے۔
ویڈیو میں دیکھا جاسکتا ہے کہ وہ شخص چینی کو ہوا میں اڑانے کے بعد ایسا تاثر دیتا ہے کہ جیسے وہ چینی کے ذرات کو چن رہا ہے اور کچھ ہی دیر بعد وہ چینی واپس ساشے میں ڈال دیتا ہے۔
I’ve watched this 57 times and still can’t figure it out 😵💫 (via jadon.ray/TT) pic.twitter.com/TjsFrm7Udg
— Overtime (@overtime) February 25, 2022
تاہم کچھ صارفین اس کرتب کو سمجھ گئے اور کہا کہ جادوگر سیدھے ہاتھ کے انگوٹھے پر ایک جعلی انگوٹھے کا خول پہنا ہوا ہے جس میں چینی بھری ہوئی ہے اور اس نے ہاتھ کی صفائی سے لوگوں کو حیران کیا۔
مذکورہ ویڈیو کو اب تک لاکھوں صارفین دیکھ چکے ہیں اور اس پر مزید تبصرے بھی کررہے ہیں۔