The news is by your side.

Advertisement

گوجرانوالہ میں پتنگ کاٹنے پر کمسن بچہ قتل

گوجرانوالہ: پنجاب کے شہر گوجرانوالہ میں مبینہ طور پر پتنگ کاٹنے پر دس سالہ بچے کو قتل کردیا گیا۔

اے آر وائی نیوز کے مطابق گوجرانوالہ میں 10 سالہ بچے مظفر نے پڑوسیوں کی پتنگ کاٹی تو ملزمان نے بچے کو قتل کرکے لاش نہر میں پھینک دی۔

پولیس کے مطابق گزشتہ رات مقتول مظفر کی لاش رتہ جھال نہر سے برآمد کی گئی۔

اہلخانہ نے الزام عائد کیا کہ مقتول مظفر نے دو روز قبل ملزمان کی پٹنگ کاٹی تھی، بیٹے کو تشدد کے بعد تیزاب پھینک کر قتل کیا گیا ہے۔

پولیس کا کہنا ہے کہ ملزمان معاذ اور حماد کو گرفتار کرلیا گیا ہے کہ واقعے کی مزید تفتیش جاری ہے۔

مزید پڑھیں: لاہور میں پتنگ بازی کا خونی کھیل ، قاتل ڈور نے ایک اور جان لے لی

واضح رہے کہ گزشتہ سال لاہور کے علاقے مسلم ٹاؤن وحدت روڈ پر پتنگ کی ڈور پھرنے سے موٹرسائیکل سوار موقع پرہی دم توڑ گیا تھا، جاں بحق شخص کی شناخت 35 سالہ آفتاب کے نام سے ہوئی تھی۔-

سی سی پی او لاہور نے واقعہ کا نوٹس لیتے ہوئے متعلقہ ایس ایچ او کو چارج شیٹ کرنے کا حکم دیا تھا۔

سربراہ لاہور پولیس غلام محمود ڈوگر کا کہنا تھا کہ پتنگ بازی نہ روکنے پر متعلقہ ایس ایچ او کے خلاف کارروائی ہوگی، ڈور پھرنے کے واقعات کسی صورت برداشت نہیں ہوں گے۔

Comments

یہ بھی پڑھیں