کراچی: پی ٹی آئی رہنما اور سندھ اسمبلی میں اپوزیشن لیڈر حلیم عادل شیخ کا کہنا ہے کہ شہباز شریف اور بلاول بھٹو کے ہاتھ میں وزیراعظم کی لکیر ہی نہیں ہے۔
اے آر وائی نیوز کے مطابق پی ٹی آئی رہنما حلیم عادل شیخ نے سماجی رابطے کی ویب سائٹ ٹویٹر پر اپنے پیغام میں کہا کہ اپوزیشن کہتی تھی کہ عمران خان کو سیاست نہیں آتی، آج 15 جماعتیں مل کر عمران خان کا مقابلہ کررہی ہیں۔
حلیم عادل شیخ نے کہا کہ ’اقتدار کے لیے شارٹ کٹ ڈھونڈنے والے ناکام و ذلیل ہوں گے۔’
انہوں نے مزید لکھا کہ اپوزیشن انتظار کرے آپ لوگ زندگی بھر عوام کو منہ دکھانے کے قابل نہیں رہیں گے۔
کہتے تھے کہ عمران خان کو سیاست نہیں آتی آج 15 جماعتیں ملکر عمران خان کا مقابلہ کررہی ہیں اقتدار کے لیے شارٹ کٹ ڈھونڈنے والے ہمیشہ کی طرح ناکام و ذلیل ہونگے شہباز اور بلاول کے ہاتھ میں وزیراعظم والی لکیر ہی نہیں یہ زندگی بھر عوام کو منہ دکھانےکےقابل نہیں رہیںگے. اپوزیشن انتظار کرے
— Haleem Adil Sheikh (@HaleemAdil) April 8, 2022
اس سے قبل وزیراعظم عمران خان کا پارلیمانی پارٹی کے اجلاس میں کہنا تھا کہ شہباز شریف اچکن نہیں پہن سکے گا، ہم کہیں نہیں جا رہے، آپ دیکھتے جائیں۔
عمران خان کا کہنا تھا کہ استعفے دینے کا مطلب سازش کامیاب بنانے کے مترادف ہوگا، کسی صورت حکومت گرانے کی سازش کامیاب نہیں ہونے دوں گا۔
وزیر اعظم نے پی ٹی آئی ارکان کو ہدایت کرتے ہوئے کہا تھا کہ آپ لوگ حلقوں میں جائیں، اپنے لوگوں کو اس سازش سے آگاہ کریں، یہ سارے مل کر بھی ہمیں نہیں روک سکتے، قوم ہمارے ساتھ ہے۔
