کراچی کے علاقے الفلاح ٹاؤن سے 14 سال کی لڑکی مبینہ طور پر لاپتہ ہوگئی۔
اے آر وائی نیوز کے مطابق کراچی کے علاقے الفلاح گولڈن ٹاؤن سے 14 سال کی لڑکی کے مبینہ اغوا کا مقدمہ درج کرلیا گیا ہے۔
تین روز قبل دعا گھر سے کچرا پھینکنے نکلی تھی اس کے بعد سے لاپتا ہے۔
اہلخانہ کا دعویٰ ہے کہ دعا کو اغوا کیا گیا ہے جبکہ پولیس کا کہنا ہے کہ گلی میں موجود افراد سے تحقیقات کی گئی ہیں لیکن فی الحال لڑکی کا کوئی سراغ نہ مل سکا ہے۔
پولیس کا کہنا ہے کہ گلی میں لگے سی سی ٹی وی کیمرے کی مدد سے واقعے کی تحقیقات کررہے ہیں۔ پولیس کے مطابق مغوی لڑکی کے والدین سے مزید گفتگو کی جارہی ہے۔
پولیس کا کہنا ہے کہ شبہ ہے کہ لڑکی کو گلی سے بیہوش کرکے اغوا کیا گیا ہے، ذرائع کا بتانا ہے کہ اینٹی وائلنٹ کرائم سیل واقعے کی تحقیقات کررہا ہے۔
تین روز قبل بھی بچی کو بازیاب نہ کروایا جاسکا جس کے باعث گھر والوں نے بھی پولیس کی کارکردگی پر مایوسی کا اظہار کیا ہے۔
