کراچی میں انویسٹی گیشن پولیس نے اندھے قتل کا سراغ لگا لیا جس میں دوست ہی دوست کا قاتل نکلا۔
اے آر وائی نیوز کے مطابق کراچی کے علاقے سہراب گوٹھ میں 21 اپریل کو فائرنگ سے جاں بحق ہونے والے شخص آصف ندیم کے قاتل کو پولیس نے گرفتار کرلیا۔
ایس پی کا بتانا ہے کہ دوست ہی دوست کا قاتل نکلا ہے ملزم نے مقتول کی بیوی کے کہنے پردوست کو قتل کیا اور مقتول کی بیوی نے قتل کے لیے اپنے شوہرکا اسلحہ دوست کو دیا تھا۔
پولیس کے مطابق ملزم نے اپنے دوست کو اس ہی کے پستول سے گولیاں مار کر قتل کیا، انوسٹی گیشن پولیس نے سی سی ٹی وی فوٹیج کی مدد سے ملزم محمد شعیب کو گرفتار کرلیا۔
پولیس کا کہنا ہے کہ ملزم سے مزید تفتیش جاری ہے کہ شریک ملزمان کی گرفتاری بھی جلد متوقع ہے۔
