بھارت میں چھوٹے بھائی کی موت کے بعد چند گھنٹوں بعد بڑا بھائی بھی چل بسا۔
بھارتی میڈیا رپورٹس کے مطابق ریاست تلنگانہ میں دو بھائی تین گھنٹے کے وقفے سے حرکتِ قلب بند ہونے کے باعث چل بسے۔
47 سالہ گجولا بھاسکر گوڑ صبح پانچ بجے ورزش کر رہا تھا کہ اسی دوران حرکتِ قلب بند ہونے کے باعث اس کا انتقال ہوگیا۔
بھائی کے انتقال کی خبر سن کر اس کا 55 سالہ بڑا بھائی سری نواس دوسرے شہر سے صبح آٹھ بجے چھوٹے بھائی کے گھر پہنچا۔
سری نواس نے جیسے ہی گجولا کی میت دیکھی تو اسے بھی دل کا دورہ پڑ گیا، سری نواس کو فوری طور پر ہسپتال پہنچایا گیا جہاں ڈاکٹرز نے اس کی موت کی تصدیق کردی۔
اسپتال انتظامیہ کے مطابق دونوں بھائیوں کی میت کو ورثا کے حوالے کردیا گیا ہے۔
دونوں بھائیوں کی میتیں گھر پہنچنے پر کہرام مچ گیا اور پورا علاقہ متوفین کے گھر پہنچ گیا جس کے بعد ان کی آخری رسومات ادا کردی گئیں۔