ہفتہ, مئی 18, 2024
اشتہار

’پیپلزپارٹی مزے لے رہی ہے ن لیگ کے ساتھ زرداری کھیل گئے‘

اشتہار

حیرت انگیز

پی ٹی آئی رہنما اسد عمر کا کہنا ہے کہ مسلم لیگ ن کی سیاست کا بیڑہ غرق ہورہا ہے پیپلزپارٹی مزے لے رہی ہے ن لیگ کے ساتھ زرداری کھیل گئے ہیں۔

اے آر وائی نیوز سے گفتگو کرتے ہوئے پی ٹی آئی رہنما اسد عمر نے کہا کہ ملک کے لیے الیکشن کی کال بہتر ہے حکومت کے پاس اب بھی وقت ہے مفتاح اسماعیل کو واپس بلا کر ٹیکنو کریٹ حکومت کا اعلان کیا جائے۔

انہوں نے کہا کہ ایسا لگتا ہے کہ ن لیگ کے ہاتھ باندھ دیئے گئے ہیں آج جو بھی کچھ ہوا ہے اس کا سارا ملبہ ن لیگ پر ہی گرے گا۔

- Advertisement -

اسد عمر نے کہا کہ معیشت سے متعلق فیصلوں کا ملبہ بھی ن لیگ پرگرے گا، پیپلزپارٹی نے ن لیگ کو آگے کیا ہوا ہے خود مزے لے رہی ہے۔

‘ن لیگ الیکشن کیلیے تیار ہے پیپلزپارٹی نہیں’

پی ٹی آئی رہنما نے کہا کہ رانا ثنا اللہ کہتے تھے 20 لوگ نہیں نکلیں گے اب صورتحال دیکھ لیں میں ان سے پوچھتا ہوں ملک ساتھ لے کر ڈوبیں گے یا تنہا ڈوبیں گے۔

اس سے قبل پی ٹی آئی کے وائس چیئرمین شاہ محمودقریشی نے گزشتہ روز حکومتی ٹیم سے ہونے والی ملاقات کی تصدیق کرتے ہوئے بتایا تھا کہ ایازصادق نےکہا ن لیگ الیکشن کیلئے تیار ہے لیکن پیپلزپارٹی اور اتحادی نہیں مان رہے۔

ان کا کہنا تھا کہ جلسےہم نےبہت کیےہیں سب نےدیکھ بھی لیاکیسےجلسےکیےہیں مقصدجب تک حاصل نہیں ہوتاہم ڈی چوک پربیٹھےرہیں گے فسطائیت کا مظاہرہ ہو گا توقانون میں رہتے ہوئے مقابلہ کریں گے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں