لاہور: حکومتِ پنجاب نے 25 مئی کے واقعے میں ملوث افراد کو فوری طور پر گرفتار کرنے کا فیصلہ کرلیا ہے۔
ذرائع کے مطابق وزیراعلیٰ پنجاب چوہدری پرویز الٰہی نے 25 مئی کے واقعات پر گرفتاریاں شروع کرنے کا حکم دے دیا۔ صوبائی حکومت کا کہنا ہے کہ 25 مئی کو پی ٹی آئی رہنماؤں اور کارکنوں پر تشدد اور گرفتار کیا گیا۔
دوسری جانب وزیر اعلیٰ پنجاب پرویز الٰہی نے آئی جی کو پنجاب پولیس بنی گالا کے تحفظ کے لیے بھجوانے کا حکم دے دیا ہے۔
گزشتہ روز رہنما پی ٹی آئی فواد چوہدری نے ٹوئٹ کرتے ہوئے بتایا تھا کہ محرم الحرام کے بعد 25 مئی کے ملزمان کا احتساب شروع ہوگا،24 ارب روپے کا ملزم حمزہ شہباز لندن فرار کرا دیا گیا ہے۔
انہوں نے کہا تھا کہ شہباز شریف اینڈ کمپنی قوم کو بیوقوف سمجھتے ہیں، 2 کروڑ روپے کی تحقیقات کے لیے ایف آئی اے کی پانچ ٹیمیں ترتیب دی گئیں۔
چوبیس ارب روپے کا ملزم حمزہ شہباز لندن فرار کرا دیا گیا لیکن دو کروڑ روپے کی تحقیقات کیلئے FIA کی پانچ ٹیمیں ترتیب دی گئیں، شہباز شریف اینڈ کمپنی قوم کو بیوقوف سمجھتے ہیں، محرم کے بعد 25 مئ کے ملزمان کا احتساب شروع ہو گا قوم حقیقی آزادی جدوجہد کے آکر مرحلے کی تیاری کرے
— Ch Fawad Hussain (@fawadchaudhry) August 8, 2022
ادھر وزیر داخلہ رانا ثنا اللہ نے گزشتہ روز میڈیا سے گفتگو میں کہا تھا کہ دو نمبر الٹی میٹم کوئی تسلیم نہیں کرے گا، دھمکی اور پرتشدد احتجاج کیا تو 25 مئی سے زیادہ برا حال ہوگا۔
